Vinisius: «Siti»ga qarshi bahsda ustunlikka erishishni istaymiz»
“Real” klubi hujumchisi Vinisius Junior Chempionlar Ligasining 1/8 finali doirasida “Manchester Siti”ga qarshi boʻladigan uchrashuv oldidan oʻz fikrlarini bildirdi.
“Biz ‘Manchester Siti’ga qarshi bahsda hujum qilishni va ustunlikka erishishni istaymiz. Maqsadimiz — har bir toʻp uchun kurashadigan ‘Real’ning eng kuchli versiyasini koʻrsatishdir. ‘Siti’ bilan oʻyinda biz benuqson harakat qilishimiz shart. Muxlislarimizdan esa har doimgidek ishini qilishlarini soʻraymiz: bizni qoʻllab-quvvatlab, ‘Santyago Bernabeu’ni raqib uchun eng qiyin manzilga aylantirishsin”, — deydi Vinisius.
Maʼlumot uchun, “Real” va “Manchester Siti” oʻrtasidagi dastlabki uchrashuv 11 mart kuni “Santyago Bernabeu” stadionida boʻlib oʻtadi. Javob oʻyini esa 17 martga belgilangan boʻlib, u “Etihad” stadionida oʻtkaziladi
