Vinisius “Real” mag‘lubiyatidan so‘ng Mourinyuga qo‘l uzatishdan bosh tortdi
“Real Madrid” vingeri Vinisius Junior “Betis”ga qarshi uchrashuvdan so‘ng bosh murabbiy Joze Mourinyu bilan bog‘liq epizod orqali e’tibor markaziga tushdi. Madridliklar La Liganing 4-turida safarda 0:1 hisobida mag‘lub bo‘ldi.
Final hushtagi yangragach, Mourinyu Vinisius tomon yaqinlashib, unga qo‘l uzatgan. Biroq braziliyalik futbolchi murabbiyning yonidan to‘xtamasdan o‘tib ketgan va qo‘l berishmagan. Manbaga ko‘ra, Vinisius jamoasining mag‘lubiyatidan norozi bo‘lgan.
Mazkur holat “Real”ning mavsumdagi ilk mag‘lubiyatidan keyin yuz berdi. Hozircha klub yoki futbolchining o‘zi ushbu epizod yuzasidan alohida izoh bermagan.
Ma’lumot uchun, Vinisius yaqinda “Real Madrid” bilan shartnomasini 2032-yil yoziga qadar uzaytirgan. Uning bozor qiymati 140 million yevroga baholanmoqda.
