Vardi faoliyatini Braziliya chempionatida davom ettirishi mumkin
Angliyalik 39 yoshli hujumchi Jeymi Vardi faoliyatini Yevropadan tashqarida davom ettirishi mumkin.
Insayder Fabrizio Romanoning eksklyuziv xabariga ko‘ra, futbolchiga Braziliyaning "San-Paulu" klubi jiddiy qiziqish bildirmoqda. Klub rahbariyati allaqachon tajribali forvard bilan aloqaga chiqqan. Vardi hozirda mavjud takliflarni o‘rganib chiqmoqda va hali kelajagi borasida qaror qabul qilmagan.
Jeymi Vardi o‘z faoliyatining eng yorqin davrini 2012 yildan 2025 yilgacha sharafini himoya qilgan "Lester" klubida o‘tkazgan. O‘tgan mavsumni u Italiyaning "Kremoneze" klubida o‘tkazib, shartnoma muddati tugagach, erkin agentga aylangan.
Ma’lumot uchun, "San-Paulu" ayni paytda Braziliya A Seriyasining 22-turidan so‘ng 27 ochko bilan turnir jadvalining 12-pog‘onasida bormoqda.
