Van Deyk Niderlandiya terma jamoasining JCh-2026dagi penaltilarga tayyorgarligi haqida gapirdi
Niderlandiya terma jamoasi himoyachisi Virjil van Deyk 2026-yilgi jahon chempionatida bo‘lishi mumkin bo‘lgan penaltilar seriyasiga tayyorgarlik haqidagi savolga javob berdi.
— Ushbu jahon chempionati arafasida penaltilar seriyasiga qanchalik puxta tayyorgarlik ko‘rasiz?
— Biz doim shunday qilamiz – o‘shanda ham shunday qilgandik. Penaltilar haqida gap-so‘zlar doim bo‘ladi. Ammo bu har kuni penalti tepishni mashq qilsangiz, muvaffaqiyat kafolatlanganini anglatmaydi. Buni davom ettirish muhim, lekin yaxshi bir misol: Argentina bilan [JCH-2022da] uchrashuvgacha men mashg‘ulotlarda barcha penaltilarni golga aylantirgandim, keyin o‘yin keladi va adashasan.
Bu achchiq haqiqat, lekin bu futbol va bunga shunchaki ko‘nikish kerak. Ammo bu biz albatta mashq qiladigan narsa. Umid qilamanki, biz asosiy vaqtda g‘alaba qozona olamiz, lekin hammasi qanday yakunlanishini hech qachon bilmaysan, — deya van Deykning so‘zlaridan iqtibos keltiradi FIFA rasmiy sayti.