Van Deyk Niderlandiya terma jamoasida qolishga qaror qildi
U bu qarorni terma jamoa bosh murabbiyi Xavi Ernandes bilan suhbatdan so‘ng qabul qilgan.
ФОТО: Getty images
«Liverpul» va Niderlandiya terma jamoasi markaziy himoyachisi Virjil van Deyk milliy jamoadagi faoliyatini davom ettirishga qaror qilgani haqida gapirdi.
35 yoshli futbolchining aytishicha, u bu qarorni terma jamoa bosh murabbiyi Xavi Ernandes bilan suhbatdan so‘ng qabul qilgan.
«Men juda muhim qaror qabul qildim. Xavi bilan suhbatlashganimda men uchun ishonch va hurmatni his qilish juda muhim edi. Suhbatimizning dastlabki daqiqalaridanoq buning barchasini his qildim. Biz juda yaxshi gaplashdik. Keyingi uchrashuvni intizorlik bilan kutyapman. Oldimizdagi ikki yilni ajoyib o‘tkazishimiz kerak», — dedi van Deyk.
Niderlandiya terma jamoasi Millatlar ligasi guruh bosqichidagi navbatdagi uchrashuvini 24 sentyabr kuni Germaniyaga qarshi o‘tkazadi.
