Valijon Rahimov: “Andijon” jamoasiga chempionat va OCHLda omad tilayman”

Yaqinda jamoani tark etgan darvozabon Valijon Rahimov "Andijon"da o'tkazgan faoliyati borasida shunday dedi:

"Jamoaning ashaddiy ishqibozlaridan minnatdorman. Ular qiyin paytda qo'llab-quvvatlashdi. Kerak paytda yonimizda turishdi. Men buni ich-ichimdan his qildim. Shuning uchun ularga katta rahmat aytaman.

Nega o'zimni ko'rsata olmaganimgani o'zim ham haligacha tushunib yetmadim. Ammo shuni tushundimki, yanada ko'proq mehnat qilish va astoydil ter to'kish kerak.

Shu o'rinda, "Andijon" jamoasidagi barchaga, shu jumladan rahbariyat, murabbiylar, futbolchilar, muxlislar va klub xodimlariga rahmat aytaman va ularga ikkinchi davrada hamda Osiyo Chempionlar ligasida omad tilayman".

Roziqjon Sultonmurodov

Jurnalist