Ulug'bek Baqoyev: \"Xohish, ishtiyoq ularda yuqoriroqdek koʼrindi\"
PHOTO: Telegram
Superliganing 5-turidan o‘rin olgan “Qo‘qon-1912” - “Buxoro” (1:0) uchrashuvidan so‘ng mehmonlar bosh murabbiyi Ulug'bek Baqoyev matbuot anjumanida ishtirok etdi:
"Birinchi boʼlimda bizda hech narsa oʼxshamadi. Yomon oʼynab yutqazish mumkin, lekin bundan farqli. Ikkinchi boʼlimda hujumkorlikka intildik. Biroq, bugun bizning kunimiz emas ekan. "Qoʼqon-1912" jamoasini gʼalaba bilan tabriklayman. Xohish, ishtiyoq ularda yuqoriroqdek koʼrindi.
Birinchi boʼlimda raqib koʼproq urgʼu berayotgan va xatolar kuzatilayotgan chiziqlarda oʼzgarishlar qildik. Bu oʼzgarishlar ikkinchi boʼlimni ham koʼzlab amalga oshirildi",-deydi mutaxassis
