Tudor: «Hech qachon taslim bo‘lmasligimizni ko‘rish juda ajoyib»
"Yuventus" o‘z maydonida "Borussiya D" bilan durang qayd etdi.
ФОТО: Getty images
“Yuventus” bosh murabbiyi Igor Tudor “Borussiya D”ga (4:4) qarshi o‘yindan so‘ng o‘z fikrlari bilan o‘rtoqlashdi.
“Inter”ga qarshi bahsda qancha kuch sarflaganimiz o‘yinda bilinib turdi. Tanaffusda ba’zi futbolchilarda charchoq alomatlari borligini payqadim. Yuqori saviyadagi futbolchilarga ega kuchli jamoaga qarshi o‘ynadik. Oxirgi ikki bahsda jiddiy raqiblarga qarshi to‘qnash keldik.
Maydonga chiqqan har bir futbolchi katta ishtiyoq bilan harakat qildi. Bu esa murabbiy uchun juda muhim. Hech qachon taslim bo‘lmasligimizni ko‘rish juda ajoyib”, — dedi Tudor klub rasmiy saytiga bergan intervyusida.
Roziqjon Sultonmurodov
Jurnalist