«Trabzonspor» Andre Onanani «Manchester United»dan ijaraga oldi
Ijara 2025/2026 yilgi mavsum yakunigacha amal qiladi.
ФОТО: Getty images
“Trabzonspor” o‘zining X ijtimoiy tarmog‘idagi sahifasida “Manchester United” darvozaboni Andre Onananing ijara asosida jamoaga qo‘shilganini e’lon qildi.
Ijara 2025/2026 yilgi mavsum yakunigacha amal qiladi.
Avvalroq turk klubining 29 yoshli darvozabonni sotib olish huquqiga ega emasligi haqida ma’lumot berilgan edi.
Onana 2023 yil yozida “Inter”dan “qizil iblislar” safiga qo‘shilgandi. Shu vaqtgacha kamerunlik darvozabon barcha musobaqalarda 102 o‘yinda maydonga tushdi. Ulardan 24 tasida darvozasini daxlsiz saqlab qoldi.
Transfermarkt portali ma’lumotiga ko‘ra, futbolchining bozor qiymati 25 million yevroga teng.
Roziqjon Sultonmurodov
Jurnalist