Timur Nabiyev «Bishkek Siti» bilan shartnoma imzoladi
Jamoa hozirda Turkiyada yangi mavsumga tayyorgarlik ko'rmoqda.
Фото: Шўртан ПФК
O‘zbekistonlik himoyachi Timur Nabiev faoliyatini Qirg‘iziston chempionatida davom ettiradi.
Sports24.uz xabar berishicha, 26 yoshli futbolchi “Bishkek Siti” bilan mavsum yakuniga qadar bitim tuzgan.
Nabiev bunga qadar “Sho‘rtan” va “Qizilqum” jamoalarida o‘ynagan. Shuningdek, Qirg‘izistonning “Asiagol” klubida ham to‘p surgan.
Avvalroq “Bishkek Siti” o‘zbekistonlik hujumchi Ruslan Roziyev bilan ham shartnoma imzolagandi. Jamoa hozirda Turkiyada yangi mavsumga tayyorgarlik ko‘rmoqda.
Roziqjon Sultonmurodov
Jurnalist