«Surxon» Fevzi Davletovni isteʼfoga chiqardi, oʻrniga Kudryashov tayinlandi
Endilikda jamoani Stanislav Kudryashov boshqaradi.
Фото: Сурхон ПФК
“Surxon” asosiy jamoasida murabbiylar shtabida oʻzgarishlar amalga oshirildi. Jamoa bosh murabbiyi Fevzi Davletov va jismoniy tayyorgarlik boʻyicha murabbiy Aleksey Nikolaev klubni tark etdi.
Fevzi Davletov soʻnggi ikki mavsum davomida termizliklarga ustozlik qildi. Uning qoʻl ostida jamoa 65ta rasmiy uchrashuv oʻtkazdi va Oʻzbekiston kubogining yarim final bosqichiga chiqishda yordam berdi.
Bosh murabbiy lavozimiga avval bosh murabbiy yordamchisi sifatida faoliyat olib borgan va yoshlar futbolida katta obroʻga ega boʻlgan Stanislav Kudryashov tayinlandi.
"Klub nomidan Fevzi Rizaevich va Aleksey Vladimirovichga hamkorlik uchun minnatdorchilik bildiramiz va ularga kelgusi faoliyatlarida omad tilaymiz", — deyiladi "Surxon" tarqatgan xabarda.
Roziqjon Sultonmurodov
Jurnalist