«Surxon» - «Dinamo»: O‘zaro so‘nggi o‘yinlarda ustunlik kimda?
Jami 28 o‘yindan 13 bahsda «Dinamo»ning qo‘li baland kelgan.
Фото: Динамо ПФК
Samarqand va Termiz klublari Oliy liga va Superliga tarixida 1992 yildan buyon jami 28 o‘yinda o‘zaro maydonga tushgan. Payshanba kungi o‘yin o‘zaro 29-to‘qnashuv sifatida tarixdan joy oladi.
Jami 28 o‘yindan 13 bahsda «Dinamo»ning qo‘li baland kelgan bo‘lsa, 9 uchrashuvda «Surxon» ustun kelgan. 6 o‘yinda durang qayd etilgan. To‘plar nisbati – 38:34.
«Surxon» va «Dinamo» o‘rtasidagi so‘nggi uchrashuvda Samarqand jamoasi 2025 yilda «Surxon»ni Termizda Firdavs Abdurahmonov va Jahongir Abdusalomovning goli evaziga 2:0 hisobida mag‘lub etgandi.
Roziqjon Sultonmurodov
Jurnalist