Superligada birinchi davraning eng yaxshi hakami aniqlandi

Futbol 05 iyl 2025 da 13:16

Bahrom Bobonov

Redaktor

Temur To‘xtasinov — Superliga 1-davrasining eng yaxshi hakami deb topildi. Bu haqda O‘zbekiston futbol hakamlari markazi matbuot xizmati ma’lum qildi.

2025 yilgi O‘zbekiston Superligasining 15 turdan iborat birinchi davrasida Temur To‘xtasinov 10 ta o‘yinda bosh hakam sifatida ishladi.

To‘xtasinov uchrashuvlarni o‘tkazishdagi barqarorligi natijasida “1-davraning eng yaxshi hakami” deb topildi va 10 million so‘m pul mukofoti bilan taqdirlandi.

Mukofot “Andijon” va “Bunyodkor” jamoalari o‘rtasidagi bahs oldidan To‘xtasinovga topshirildi.