Superliga. OKMK o‘z maydonida «Xorazm»dan ustun keldi
Фото: ОКМК
O‘zbekiston chempionatida 20-tur uchrashuvlari yakuniga yetdi.
Olmaliqda OKMK klubi “Xorazm”ni qabul qildi. Mazkur bahsda mezbonlar raqibini 3:1 hisobida mag‘lubiyatga uchratdi.
Mezbonlar safida uch gol muallifi Aziz Holmurodov, Giorgi Papava va Naoki Senaga bo‘ldi. Mehmonlarning yagona goli esa Murod Bobojonov nomiga qayd etildi.
Bu g‘alabadan so‘ng “konchilar” 37 ochko to‘plagan holda turnir jadvalining 4-pog‘onasiga chiqib oldi. “Xorazm” esa 19 ochko bilan 12-o‘rindan joy olgan.
Superliga. 20-tur.
OKMK — Xorazm 3:1
Gollar: Holmurodov 8, Papava 72, Senaga 89 — Bobojonov 15.
Roziqjon Sultonmurodov
Jurnalist