Son ikkinchi, Messi yettinchi — Transfermarkt MLS futbolchilarining yangilangan narxlarini eʼlon qildi
Transfermarkt portali MLSda faoliyat yuritayotgan futbolchilarning bozor qiymatini yangiladi. Yangilangan ro‘yxatning ilk pog‘onasiga «Los-Anjeles Gelaksi» yarimhimoyachisi Riki Puch joylashdi — uning qiymati 18 mln yevro etib belgilangan.
Ikkinchi o‘rinni «Los-Anjeles» hujumchisi Son Xyn Min egalladi (17 mln yevro). Uchinchi pog‘onani esa «Sinsinnati» yarimhimoyachisi Evander yakunlab berdi — 16 mln yevro.
Transfermarkt versiyasiga ko‘ra MLSning eng qimmat 7 futbolchisi:
1. Riki Puch («Los-Anjeles Gyalaksi») – 18 mln yevro
2. Son Xyn Min («Los-Anjeles») – 17 mln yevro
3. Evander («Sinsinnati») – 16 mln yevro
4. Emmanuel Latte Lat («Atlanta») – 15 mln yevro
5. Anders Dreyer («San-Diego») – 15 mln yevro
6. Rodrigo De Paul («Inter Mayami») – 15 mln yevro
7. Lionel Messi («Inter Mayami») – 15 mln yevro
