Solbakken: «Frantsiyaga qarshi tarkibda o'zgarishlar bo'lishi mumkin»
Norvegiya terma jamoasi murabbiyi Stole Solbakken JCH-2026 3-turidan o'rin olgan Frantsiyaga qarshi uchrashuv oldidan o'z fikrlarini bildirdi.
"Frantsiya bilan o'yin oldidan bir qator o'zgarishlarni amalga oshiramiz. Gap ularni mag'lub etishni istamasligimizda emas – o'yinlar orasidagi vaqt juda qisqa bo'lganligi uchun biz haqiqatdan ham boshqa tarkibni maydonga tushirishimiz zarur. Bugungi o'yinning oxirida biz duch kelgan sharoitlarni hisobga olsak, boshqa futbolchilarda imkoniyat bo'ladi – bu tabiiy holat. Ayrim pozitsiyalarda bizda raqobat kuchli.
6-7 nafar futbolchimizning oyog'i tortishib qolishiga sal qoldi, ular deyarli holdan toyishgan edi. Biz esa hali Grinsboroga uchib borishimiz, keyin yana Bostonga qaytishimiz kerak. Shu sababli keyingi o'yin uchun tarkibni aniqlash biroz qiyinroq bo'ladi", – dedi Solbakken.
Ma'lumot uchun, "uch ranglilar" bilan o'yin 26-iyun kuni bo'lib o'tadi.
