Sobiq hakam Fermin va Musso toʻqnashuvi haqida: «Bu — penalti»
Uchrashuvda «Barselona» 2:1 hisobida gʻalaba qozongan boʻlsa-da, ikki oʻyin natijasiga koʻra turnirdan chiqib ketdi.
FOTO: Getty Images
Sobiq hakam Anduxar Oliver Chempionlar Ligasi chorak finali javob uchrashuvida «Atletiko» darvozaboni Xuan Musso va «Barselona» yarimhimoyachisi Fermin Lopes o‘rtasidagi to‘qnashuv haqida o‘z fikrini bildirdi.
«Atletiko» ushbu o‘yinda 1:2 hisobida imkoniyatni boy bergan bo‘lsa-da, ikki o‘yin natijasiga ko‘ra (3:2) keyingi bosqichga yo‘l oldi. To‘qnashuv natijasida Lopes darvozabon butsasi shiplariga yuzi bilan tushib, burnini sindirib oldi.
«Mussoning harakatida qasddan qilingan niyat bor-yo‘qligidan qat’i nazar, bu — penalti. «Atletiko» darvozaboni oldinga chiqib, raqibga zarba berdi», — dedi Oliver.
Chempionlar ligasining yarimfinalida «Atletiko» jamoasi «Sporting» — «Arsenal» juftligi g‘olibi bilan kuch sinashadi.
Nasrullo Karimov
Jurnalist