“Siti” mag‘lubiyatidan so‘ng muxlislar norozilik bildirdi
Angliya Premyer-ligasining ikkinchi turida “Manchester Siti” o‘z maydonida “Tottenhem”ga 0:2 hisobida mag‘lub bo‘ldi. Bu natija butun dunyo futbol ishqibozlari orasida katta muhokamalarga sabab bo‘ldi.
Mutaxassislar va muxlislar jamoa himoyachilarining tezkorlikdagi kamchiliklarini asosiy omil sifatida ta’kidlashmoqda. Ko‘pchilik Xosep Gvardiolani o‘zbek himoyachisi Abduqodir Husonovga imkoniyat bermaganlikda tanqid qildi. Uning shiddati va tezligi aynan shunday bahslarda zarur edi, degan fikrlar keng tarqaldi.
Ijtimoiy tarmoqlarda esa muxlislar quyidagi fikrlarni bildirishdi:
• “Riko Lyuisning oldinga chiqishi himoyada katta bo‘shliq qoldiradi.”
• “Trebl mavsumidagi darajaga qaytish uchun Husonov qanotda o‘ynashi shart.”
• “Bu bahsda tezkor himoyachi yetishmadi, aynan Husonov kerak edi.”
• “Ruben Diash yetakchi, lekin sport formasi avvalgidek emas.”
• “Stounz va Diash kuchli, ammo ular yonida shiddatli markaziy himoyachi bo‘lishi kerak – masalan, Husonov.”
• “Jamoa baland chiziqli himoyada harakat qilsa, tezkor himoyachilar zarur.”
• “Husonov ko‘proq imkoniyatga arziydi, u shiddatli va tezkor.”
• “Stounz+Husonov yoki Diash+Husonov tandemini sinovdan o‘tkazish vaqti keldi.”
• “Riko Lyuis zaxirada qolishi shart, Husonov esa ilk daqiqalardan tushishi lozim.”
Shu tariqa, “Siti” muxlislari Gvardioladan himoyadagi muammolarga yechim topishni va yosh o‘zbek iste’dodi Abduqodir Husonovga ko‘proq ishonch bildirishni talab qilmoqda. Ular fikricha, Husonovning tezligi va energiyasi jamoaning keyingi muhim bahslarda hal qiluvchi omil bo‘lishi mumkin.
