Sharl Lekler 2026 yilgi mavsum uchun dubulgʻasini taqdim etdi

«Ferrari» jamoasi poygachisi, monakolik Sharl Lekler Formula-1’ning 2026 yilgi mavsumida foydalanadigan shlemini namoyish qildi.

Yangi shlem dizaynida Monako bayrog‘iga bag‘ishlangan an’anaviy qizil va oq ranglar saqlab qolingan, shuningdek, unga nozik moviy tuslar ham qo‘shilgan.

Formula-1 jamoalarining taqdimotlar taqvimi quyidagicha:

20 yanvar — «Audi» (livreya);

• 23 yanvar — «Alpin» (livreya), «Ferrari»;
• 2 fevral — «Mercedes»;
• 3 fevral — «Williams»;
• 8 fevral — «Cadillac»;
• 9 fevral — «Aston Martin», «McLaren».

Eslatib o‘tamiz, hozirgi vaqtda shaxsiy hisobda amaldagi jahon chempioni «McLaren» poygachisi Lando Norris hisoblanadi. Konstruktorlar kubogi ham britaniyalik «McLaren» jamoasiga nasib etdi. «Ferrari» esa mavsum yakunlariga ko‘ra to‘rtinchi o‘rinni egalladi.

Nasrullo Karimov

Jurnalist