«Sevinch» ertaga Osiyo Chempionlar Ligasidagi ilk o‘yinini boshlaydi
O‘yinlarga Xitoy mezbonlik qiladi.
Фото: Севинч ПФК
"Sevinch" ertaga Xitoyning Uhan shahri mezbonligida o‘tayotgan Ayollar o‘rtasidagi Osiyo Chempionlar Ligasi guruh bosqichida o‘z yurishini boshlaydi. Bu haqda klub matbuot xizmati xabar berdi.
Bugun musobaqa oldidan rasmiy tadbirlar bo‘lib o‘tdi. Unda barcha ishtirokchi jamoalar vakillari, shuningdek klubimiz rahbariyati ham qatnashdi.
Yig‘ilish davomida musobaqa reglamenti va asosiy tartib-qoidalar ishtirokchilarga yana bir bor tushuntirildi.
Eslatib o‘tamiz, o‘yinlarga Xitoy mezbonlik qiladi. Mezbonlardan tashqari Eron va Hindiston jamoalari ham "Sevinch"ga raqiblik qiladi.
Roziqjon Sultonmurodov
Jurnalist