Sadriddin Hasanov: \"Xalqimizni g'alaba bilan tabriklayman\"
PHOTO: Telegram
Oʻzbekiston U-17 terma jamoasi hujumchisi va uchrashuvning eng yaxshi futbolchisi Sadriddin Hasanov KXDRga qarshi oʻyindan so‘ng matbuot anjumanida ishtirok etdi:
"Avvalo, xalqimizni g‘alaba bilan tabriklayman. Meni uchrashuvning eng yaxshi futbolchisi deb tanlaganlari uchun tashkilotchilarga rahmat aytaman. Murabbiylarimiz tomonidan yuklatilgan vazifalarni bajardik va g‘alabaga erishdik. Penaltidan foydalana olmaganimizdan so‘ng, tushkunlikka tushmadik, bir-birimizni qo‘llab-quvvatladik va o‘z maqsadimizga erishdik. Biz bu kunlar uchun 3 yil davomida mehnat qildik. Nasib bo‘lsa, turnir bosh sovrinini qo‘lga kiritib, yurtimizga yorug‘ yuz bilan qaytmoqchimiz",-deydi 7 raqam egasi
Ibrohim Jalolov
Redaktor