Rustamjonov va Sodiqov U20 terma jamoamizdan chaqiruv oldi

Oʻzbekiston U20 terma jamoamiz oʻzining navbatdagi yigʻiniga kirishmoqda.

Reja boʻyicha 27-yanvar - 1-fevral kunlari milliy futbol markazida shugʻullanishsa, 2-20-fevral oraligʻida Xitoyda oʻquv-mashgʻulot yigʻini oʻtkaziladi hamda u yerda Xitoy yoshlar terma jamoasiga qarshi oʻrtoqlik oʻyinlari oʻtkaziladi.

Ushbu yigʻin uchun jamoamizdan darvozabon Neʼmatulloh Rustamjonov hamda jamoamiz bilan Antaliyada shugʻullanib kelayotgan yana bir iqtidorli yarim himoyachi Sayfiddin Sodiqov U20 terma jamoamiz yigʻiniga chaqiruv oldilar.

Shu bois ular terma jamoa ixtiyoriga joʻnab ketdilar.

Ibrohim Jalolov

Redaktor