Runi: Fernandesh faqatgina statistikaning o‘zi bilan bu ramziy jamoadan joy oladi deb o‘ylamayman

«Manchester Yunayted» klubining sobiq hujumchisi Ueyn Runi Brunu Fernandesh klub tarixidagi barcha davrlarning ramziy terma jamoasiga kirishi mumkinmi, degan savolga javob berdi.

«Menimcha, yo‘q. U yerda Kantona bo‘lgan, ko‘plab kuchli yarim himoyachilar o‘ynagan. Fernandesh faqatgina statistikaning o‘zi bilan bu ramziy jamoadan joy oladi deb o‘ylamayman», — dedi Runi «The Overlap» ko‘rsatuvida.

Brunu Fernandesh «Manchester Yunayted» safida olti yildan beri to‘p surib kelmoqda. Shu vaqt ichida portugaliyalik futbolchi 319 ta rasmiy uchrashuvda ishtirok etib, o‘z hisobiga 105 ta gol va 103 ta golli uzatmani yozdirib qo‘yishga muvaffaq bo‘ldi.

Ibrohim Jalolov

Redaktor