Rüdiger \"Al-Hilol\"dan tushgan taklifni rad etdi
Germaniyalik futbolchi Madridda qolishni xohlamoqda
Photo: Getty Images
“Real” himoyachisi Antonio Rüdiger “Al-Hilol”dan tushgan taklifni rad etdi. Bu haqda Marca xabar berdi.
Ma'lumotlarga ko‘ra, Saudiya klubi germaniyalik 32 yoshli futbolchiga 2+1 sxemasi bo‘yicha shartnoma taklif qilgan. Futbolchining o‘ziga “Real”dagi maoshidan 3,5 barobar yuqori maosh taklif etilgan.
Shunga qaramay, futbolchi Madrid klubida qolishini ma’lum qilgan. Antonioning “qaymoqranglilar” bilan amaldagi shartnomasi 2026 yil 30 iyungacha mo‘ljallangan.
Roziqjon Sultonmurodov
Jurnalist