Ronalduni “Real”da ko’rishni xohlashmoqda

Futbol 31 mar 2025 da 19:56

Ibrohim Jalolov

Bu mavsum klublar o’rtasidagi Jahon chempionati bahslari avvalgilaridan farqli ravishda bo’lib o’tadi.

“Al Nassr” ushbu turnirda ishtirok etmasligini hisobga olib, Krishtiyanu Ronalduning muhlislari futbolchini o’z sevimli jamoalarida ko’rishni xohlashmoqda. Matbuotda esa “Manchester Siti”, “Manchester Yunayted”, “Chelsi”, “Inter Mayami”, “Al Hilol” kabi jamoalar bilan birgalikda kichik jahon chempionatida qatnashishga yaqin turibdi degan ma’lumotlar sizdirilmoqda. Marca nashrining xabar berishicha, “Real Madrid” muhlislari portugaliyalik sobiq qirollik klubi yulduzini yana jamoada ko’rishni xohlamoqda.

Eslatib o’tamiz, klublar o’rtasidagi jahon chempionati oldidan ishtirokchi klublar qisqa muddatli shartnoma evaziga 6ta futbolchini o’z safiga qo’shib olishi mumkin bo’ladi.