Ronaldu Ispaniya Superkubogi finalini tribunadan kuzatdi (foto)
«An Nasr» hujumchisi Krishtianu Ronaldu Ispaniya Superkubogi final uchrashuvini tribunadan tomosha qildi. Hal qiluvchi bahsda Madridning «Real»i va «Barselona» o‘zaro to‘qnash keldi. Uchrashuv 3:2 hisobida kataloniyaliklar foydasiga hal boʻldi.
Portugaliyalik futbolchi 2009–2018 yillar davomida «Real» safida to‘p surgan. Shu vaqt ichida Ronaldu 292 ta uchrashuvda maydonga tushib, 311 ta gol urgan. «Qirollik klubi» bilan birga u 2012 va 2017 yillarda Ispaniya Superkubogini qo‘lga kiritgan.
«Barselona» mazkur turnirning 16 karra g‘olibi hisoblanadi. O‘tgan mavsum finalida «ko‘k-anorranglilar» «Real»ni 5:2 hisobida mag‘lub etgandi.
Joriy mavsumda jamoalar La Liganing 10-turida ham uchrashgan bo‘lib, o‘sha o‘yinda «Real» 2:1 hisobida g‘alaba qozongan.
