Ronaldo \"Real Valladolid\"ni sotishga qaror qildi
Photo: Transfermarkt.com
Braziliya futboli afsonasi Ronaldo Nazario "Real Valladolid" klubini sotib yubormoqchi. Bu haqda Cadena SER nashri xabar berdi.
Manbaga ko'ra, Ronaldo ispan klubini sotish bo'yicha ishlarni bir necha hafta oldin boshlagan. Klubga allaqachon xaridor topilgan va muzokaralar davom etyapti. May oyiga kelib yangi rahbar nomi e'lon qilinishi kutilmoqda.
Ushbu kelishuvning taxminiy qiymati 40 million yevroni tashkil etadi. Ronaldo Nazario "Valladolid"ga 2018 yildan beri egalik qiladi. Uning boshqaruvi davrida jamoa ikki marta La Ligadan tushib ketdi.