Romero: Karvaxal Rodriga “Real”ga o‘tmaslikni maslahat bergan
Ispaniyalik jurnalist Jerar Romero “Real Madrid” sardorlaridan biri Dani Karvaxal yozgi transferlar oynasi vaqtida Rodriga Madrid klubiga o‘tmaslikni maslahat berganini ma’lum qildi. Jurnalistning ta’kidlashicha, bunga “Real” kiyinish xonasidagi so‘nggi yillardagi vaziyat sabab bo‘lgan.
Romero avvalroq ham “Real” kiyinish xonasida bo‘lgan ayrim insonlar Rodri bilan bog‘lanib, klub ichidagi muhit hozirda ijobiy emasligini aytganini xabar qilgandi. Endi esa jurnalist ushbu maslahatni bergan insonlardan biri aynan Karvaxal bo‘lganini ta’kidlamoqda.
Shu bilan birga, bu ma’lumot hozircha Romero tomonidan bildirilgan da’vo bo‘lib, Karvaxal yoki “Real Madrid” tomonidan rasman tasdiqlanmagan. Madrid klubi vakillari esa avvalroq kiyinish xonasidagi muhit bilan bog‘liq salbiy xabarlarni rad etib kelgan.
Ma’lumot uchun, “Real Madrid” yozda Rodri transferiga qiziqish bildirgan, biroq ispaniyalik yarim himoyachi yakunda “Barselona”ni tanlagan. Ispaniya matbuotida uning qaroriga o‘yin uslubi va klubdagi muhit haqidagi fikrlar ham ta’sir qilgani yozilgan.
