«Roma» sardori APL klubiga o‘tishi mumkin
Photo: Getty Images
“Roma” yarim himoyachisi Lorenzo Pellegrini faoliyatini Angliya Premer-ligasida davom ettirishi mumkin.
Jurnalist va insayder Nikola Skira xabariga ko‘ra, “West Ham” klubi italiyalik futbolchiga jiddiy qiziqish bildirgan.
29 yoshli futbolchi London klubi bilan allaqachon dastlabki muzokaralarni o‘tkazgan va ehtimoliy hamkorlikni muhokama qilgan.
Lorenzoning rimliklar bilan shartnomasi kelasi yil yozgacha amal qiladi. “Roma” hali Lorenzo bilan shartnomani uzaytirish bo‘yicha muzokara boshlamagan.
Transfermarkt portali Pellegrinining qiymatini 9 million yevroga baholagan.
Bahrom Bobonov
Redaktor
