Robertson: «Yanvar oyidanoq yangi klubim «Tottenhem» bo‘lishini bilardim»
«Tottenhem» himoyachisi Endryu Robertson London klubiga o‘tishi haqida fikr bildirdi. Shotlandiyalik futbolchining aytishicha, u yangi jamoasini tanlash masalasini ancha oldin hal qilgan.
«Yanvar oyidanoq yangi klubim “Tottenhem” bo‘lishini bilardim. Albatta, buning uchun jamoa Premyer-ligada qolishi kerak edi. Men “Tottenhem”ning o‘yinlarini kuzatishni va ularni qo‘llab-quvvatlashni boshladim.
Ayniqsa, De Dzerbi kelganidan keyin jamoaning muvaffaqiyatiga ishonchim komil bo‘ldi. “Tottenhem” meni juda xohlaganidan juda xursand bo‘ldim», — dedi Robertson.
32 yoshli futbolchi o‘tgan yozda «Tottenhem» bilan to‘rt yillik shartnoma imzolagan. Joriy mavsumda Robertson barcha turnirlarda oltita uchrashuvda ishtirok etib, bitta golli uzatma amalga oshirdi.
