Robertson «Seltik»ga o'tishi mumkin
Endryuning “qizillar” bilan amaldagi shartnomasi kelasi yilning yozida yakuniga yetadi.
ФОТО: Getty images
"Liverpul" qanot himoyachisi Endryu Robertson Shotlandiya chempionatiga ko'chib o'tishi mumkin. Bu haqda Football Insider xabar bermoqda.
Manbaga ko'ra, 31 yoshli futbolchini "Seltik" o'z safiga qo'shib olmoqchi. Robertsonning “qizillar” bilan amaldagi shartnomasi kelasi yilning yozida yakuniga yetadi. Tomonlar hamkorlikni davom ettirish bo'yicha hali kelishib olmagan.
Joriy mavsumda himoyachi "Liverpul"ning 9 ta uchrashuvida qatnashib, o'z hisobiga gol va golli uzatma yozdirib qo'ydi. Transfermarkt portali ekspertlari futbolchining bozor narxini 15 million yevroga baholamoqda.
Roziqjon Sultonmurodov
Jurnalist
