Roberto Martines Armanistonga qarshi o‘yindan keyin nimalar dedi?
ФОТО: Getty images
Portugaliya terma jamoasi bosh murabbiyi Roberto Martines Armanistonga (5:0) uchrashuvdan keyin o‘z fikrlari bilan o‘rtoqlashdi.
Mutaxassis 21-daqiqada kiritilgan golga munosabat bildirdi.
“Diogu Jota biz bilan. 21-daqiqada gol urish – bu alohida voqelik. Men bunday tasodiflarga chin dildan ishonaman. Dioguning ruhi biz bilan birga. Uning ruhi biz bilan.
Biz yig‘inlarning birinchi kunidan boshlab Dioguning borligini his qildik, uning kuchini va dalda berib turishini sezib turardik. 21-daqiqada gol urish ishorasi esa aynan Diogu sabab sodir bo‘ldi, deb o‘ylayman”, – dedi Martines.
Roziqjon Sultonmurodov
Jurnalist