Regilon faoliyatini «Inter Mayami»da davom ettirishi mumkin
Tomonlar o‘rtasida 2028 yilgi mavsum oxirigacha mo‘ljallangan shartnoma imzolanadi.
ФОТО: Getty images
“Tottenhem”ning sobiq himoyachisi Serxio Regilon faoliyatini okean ortida davom ettirishi mumkin.
Sky Sports xabariga ko‘ra, 28 yoshli ispaniyalik futbolchi “Inter Mayami” bilan muzokara o‘tkazmoqda. Hozirda u erkin agent maqomida va faoliyatini Florida klubida davom ettirishga tayyor.
Manbaga ko‘ra, tomonlar o‘rtasida 2028 yilgi mavsum oxirigacha mo‘ljallangan shartnoma imzolanadi.
Shuningdek, u kuni kecha faoliyatini yakunlagani e’lon qilingan Xordi Albaning o‘rnini egallashi kutilmoqda.
Eslatib o‘tamiz, Regiloning so‘nggi klubi “Tottenhem” hisoblanadi.
Roziqjon Sultonmurodov
Jurnalist