«Real» “Yuventus”ga Mastantuononi taklif qildi — manba
Transfermarkt portaliga ko‘ra, o‘yinchining bozor qiymati 45 million yevroni tashkil etadi.
ФОТО: Getty images
Madridning “Real” klubi 18 yoshli qanot hujumchisi Franko Mastantuono faoliyatini Italiya chempionatida davom ettirishi mumkin, deb xabar bermoqda Tuttosport.
Ispaniya klubi futbolchining maydonda ko‘proq vaqt o‘tkazishi uchun shu yozda hujumchini ijaraga asosida sotib olishni “Yuventus”ga taklif qildi.
Mastantuono 2025 yilda “River Pleyt”dan “Real”ga 45 million yevro evaziga o‘tgan. Uning Madrid klubi bilan shartnomasi 2031 yilgacha mo‘ljallangan.
O‘tgan mavsumda argentinalik futbolchi “qaymoqranglilar” safida barcha turnirlarda 35 ta o‘yin o‘tkazib, uchtadan gol va bitta golli uzatmani amalga oshirdi. Transfermarkt portaliga ko‘ra, o‘yinchining bozor qiymati 45 million yevroni tashkil etadi.
Roziqjon Sultonmurodov
Jurnalist