Rasmiy. Xuan Mata jamoasini o'zgartirdi

"Chelsi" va "Manchester Yunayted"ning sobiq yarim himoyachisi Xuan Mata Avstraliya chempionatida o'ynashda davom etmoqda.

37 yoshli futbolchi “Melburn Viktori” jamoasiga kelib qo'shildi, deb xabar bermoqda klub matbuot xizmati.

“Biz Xuan kabi tajribali va kuchli futbolchini jamoamizga qo'shib olganimizdan baxtiyormiz. Uni kiyimxonada kutib olishdan xursandmiz. Uning yetakchilik fazilatlari va o'yinni bilishi shubhasiz butun jamoani keyingi bosqichga olib chiqadi”, - deyiladi klub xabarida.

Tajribali ispaniyalik vingerning avvalgi ish joyi Avstraliyaning boshqa bir jamoasi “Vest Sidney” edi. Bu jamoa uchun Xuan milliy chempionatda 23ta o'yin o'tkazib, bitta gol urdi va 3ta golli uzatmani amalga oshirdi.

Roziqjon Sultonmurodov

Jurnalist