Rasman: Minamino uzoq muddatga safdan chiqdi
«Monako» hujumchisi «Oser»ga qarshi oʻyinda jiddiy jarohat oldi.
FOTO: Getty Images
«Monako» klubi hujumchisi Takumi Minamino Fransiya Kubogi 1/32 final bosqichida «Oser»ga qarshi o‘yinda (2:1) tizzasidan jiddiy jarohat oldi.
«Fransiya Kubogi 1/32 finalida «Oser»ga qarshi uchrashuv davomida futbolchimiz Takumi Minamino chap tizzasidan jarohat oldi. Tibbiy tekshiruvlar oldingi xochsimon bog‘lam uzilganini aniqladi. Tiklanish davrida Takumi klubimizning to‘liq qo‘llab-quvvatlashiga tayanishi mumkin. Tezroq sog‘ay, Takumi, biz sen bilanmiz!» — deyiladi monakoliklar bayonotida.
Joriy mavsumda Minamino klub safida 21 ta o‘yinda maydonga tushib, to‘rt gol va uchta golli uzatma muallifiga aylangan.
Nasrullo Karimov
Jurnalist