Rasman: «Levante» Xulian Kaleroni isteʼfoga chiqardi

Ispaniyaning «Levante» klubi bosh murabbiy Xulian Kalero iste’fosini e’lon qildi. Tegishli ma’lumot klubning rasmiy saytida direktorlar kengashining qaroridan so‘ng joylashtirildi.

Kalero bilan xayrlashuv «Levante»ning «Atletik»ga qarshi uy o‘yinida 0:2 hisobida mag‘lub bo‘lgandan keyingi kunda sodir bo‘ldi. Klub 55 yoshli mutaxassisga qilgan ishlari uchun minnatdorlik bildirdi va kelajakdagi faoliyatida muvaffaqiyatlar tiladi.

Kalero 2023 yilning yozida «Levante»ni boshqara boshlagan. Uning qo‘l ostida jamoa 58 ta o‘yin o‘tkazgan: 25 g‘alaba, 16 durang va 17 mag‘lubiyat qayd etilgan.

Hozirgi vaqtda «Levante» Ispaniya chempionatida 19-o‘rinda bormoqda. 14 o‘yindan so‘ng jamoa hisobida 9 ochko mavjud.

Nasrullo Karimov

Jurnalist