Rasman: Kamaru Usmonning akasi ACA promousheniga qoʻshildi
Nigeriyalik aralash qoidalar (MMA) jangchisi, sobiq UFC chempioni Kamaru Usmaning ukasi Muhammad Usman Rossiyaning «Absolute Championship Akhmat» (ACA) promousheniga qo‘shildi. Bu haqda tashkilot prezidenti Magomed Bibulatov o‘zining Telegram-kanalida ma’lum qildi.
«ACA og‘ir vazn toifasi yana bir jangchi bilan kuchaydi. Muhammad Usman liga bilan uzoq muddatli shartnoma imzoladi. Uning debyut jangini kimga qarshi ko‘rishni istaysiz?» — deb yozdi Bibulatov.
37 yoshli Usman o‘z faoliyati davomida 11 ta g‘alaba va 4 ta mag‘lubiyat qayd etgan. U UFC doirasida 6 ta jang o‘tkazib, ularning 4 tasida zafar quchgan. Avvalroq jangchi antidoping qoidalarini buzgani uchun dunyoning eng nufuzli ligasi tomonidan ikki yarim yilga diskvalifikatsiya qilingan edi. Unga topshirilgan tahlillar natijasida qonda testosteron borligi aniqlangan.
