Rasman: Desire Due «Golden Boy — 2025» sohibi
Fransiyalik hujumchi Yevropaning eng yaxshi yosh futbolchisi deb topildi.
FOTO: Getty Images
Fransiya milliy jamoasi va «PSJ» hujumchisi Desire Due Yevropaning eng yaxshi yosh futbolchisi deb topildi. Mukofot an'anaviy tarzda Italiyaning Tuttusport gazetasi tomonidan topshirildi.
Tashkilotchilar ijtimoiy tarmoqdagi sahifasida shunday deyilgan:
«Yosh fransiyalik futbolchi fenomenal mavsum oʻtkazdi. U «PSJ» bilan barcha sovrinlarni qoʻlga kiritdi».
Eslatib oʻtamiz, 2024 yilgi «Golden Boy» sovrini «Barselona» vingeri Lamin Yamalga nasib etgandi.
Maʼlumot uchun, Due oʻtgan mavsum barcha turnirlarda 61 ta oʻyinda maydonga tushib, 16 ta gol urdi va 16 ta golli uzatmani amalga oshirdi. 20 yoshli futbolchi parijliklar bilan birgalikda Chempionlar ligasi, Liga 1, Fransiya kubogi va Superkubogida gʻolib chiqqan.
Nasrullo Karimov
Jurnalist