Rasman. Aziz Turğunboev «Andijon» bilan shartnoma imzoladi
Qishki seleksiya ishlarini faol olib borayotgan "Andijon" bu borada hali to'xtagani yo'q.
O'zbekiston milliy terma jamoasi a'zosi va bunga qadar "Paxtakor" safida to'p tepgan hujumkor yarim himoyachi Azizbek Turğunboev "Mavsum-2026"da "Andijon" sharafini himoya qiladi. Tomonlar o'zaro kelishuvga erishishdi va mehnat shartnomasi imzolandi.
Ma'lumot uchun, Azizbek Turğunboev 1994-yilning 1-oktabr sanasida Namanganda tavallud topgan. U faoliyati davomida "Navbahor", "Paxtakor" va shu bilan birga Turkiya chempionatida "Sivasspor" jamoalari sharafini himoya qilgan.
Turğunboev faoliyati davomida hozirgacha 275 ta uchrashuvda maydonga tushib, 46 ta gol urgani va 20 ta assistni bajargan.
2018-yildan beri O'zbekiston milliy terma jamoamiz sharafini himoya qilib kelmoqda va bunga qadar 43 ta o'yinda ishtirok etgan hamda 6 ta gol muallifiga aylangan.
Aziz Turğunboev 3 karra O'zbekiston chempioni, 2 karra O'zbekiston Superkubogi sohibi, 1 marta O'zbekiston Kubogi sohibi va 1 marta milliy terma jamoamiz bilan "CAFA" musobaqasi g'olibligini qo'lga kiritgan.
