Rasman: Ander Errera \"Saragosa\"ga qaytdi
Ispaniyalik tajribali yarim himoyachi Ander Errera faoliyatini o‘zi tarbiyalangan "Saragosa" klubida davom ettiradi.
37 yoshli futbolchi yangi jamoasi bilan bir yillik shartnoma imzoladi. Shu tariqa, Errera qariyb 15 yildan so‘ng professional faoliyatini boshlagan klubiga qaytdi.
Ander Errera faoliyati davomida "Atletik Bilbao", "Manchester Yunayted", PSJ va "Boka Xuniors" kabi nufuzli klublarda to‘p surdi. U "Manchester Yunayted" safida Yevropa Ligasi, Angliya Kubogi va Liga kubogini, PSJ bilan esa bir necha bor Fransiya chempionligini qo‘lga kiritgan.
Eslatib o‘tamiz, Errera aynan "Saragosa" safida katta futbolga yo‘l olgan edi. Endi esa u faoliyatini boshlagan klubiga qaytib, jamoaning yuqori divizionga qaytishiga yordam berishga harakat qiladi.
