Rafael Balasanyan – «Dinamo» U21 jamoasi bosh murabbiyi
"Dinamo" PFK rahbariyati 2026 yilgi mavsumda mahalliy yosh o‘yinchilarni tarbiyalash va ularni asosiy jamoaga tayyorlash masalasiga ham e’tiborni yanada oshirmoqda.
Shu maqsadda samarqandlik mahalliy mutaxassis, "Dinamo" jamoasi sobiq himoyachisi Rafael Balasanyan "Dinamo" U21 jamoasi bosh murabbiyi etib tayinlandi. 2025 yilda "Dinamo"ning U19 jamoasini muvaffaqiyatli boshqargan mutaxassis 2026 yildan jamoamiz o‘rinbosarlarini yangi mavsumga tayyorlaydi. Balasanyan o‘tgan yillar davomida ham "Dinamo" klubi murabbiylar shtabida faoliyat yuritgan, shuningdek "Surxon" o‘rinbosarlari jamoasini boshqargan edi.
Yana bir mahalliy mutaxassis, "Dinamo" jamoasining sobiq yarimhimoyachisi Umid Abdurahmonov U21 jamoasi yordamchi murabbiyi sifatidagi faoliyatini davom ettiradi. U o‘tgan yillarda ham Andrey Pyatnitskiyga assistent sifatida ishlagan edi.
