«PSJ» Fernandesni o‘z safiga qo‘shib olmoqchi

"PSJ" klubi "Chelsi" yarim himoyachisi Enso Fernandes transferi ustida ishlamoqda. Bu haqda L’Equipe nashri xabar berdi.

Manbaga ko‘ra, Fransiya grandi London klubida sobiq bosh murabbiy Enso Mareskaning iste’foga chiqarilishi ortidan yuzaga kelgan murakkab vaziyatdan foydalana olishi mumkin.

Joriy mavsumda Fernandes barcha musobaqalar doirasida 30 ta uchrashuvda maydonga tushib, 8 ta gol va 3 ta golli uzatma muallifi bo‘ldi. Futbolchining klub bilan amaldagi shartnomasi 2032 yil yozigacha mo‘ljallangan. Transfermarkt portali futbolchining bozor qiymatini 85 million yevroga baholagan.

Roziqjon Sultonmurodov

Jurnalist