Prevyu. «Xorazm» - «Qo‘qon-1912»
Bu jamoalar turnir jadvalida yonma-yon joylashgan.
Фото: Хоразм ПФК
Ertaga "Qo‘qon-1912" jamoasi Superliganing 22-turida "Xorazm"ga qarshi maydonga tushadi.
Jamoalar shu vaqtgacha Superligada jami 7 ta uchrashuvda maydonga tushishgan. Ushbu bahslarning 3 tasida qo‘qonliklar g‘alaba qozongan bo‘lsa, yana 4 ta uchrashuv xorazmliklarning g‘alabasi bilan yakunlangan. To‘plar nisbati 9-11 raqib foydasiga. Ushbu jamoalar so‘nggi bor Xorazmda Superliga bahslarida 2000-yilda to‘qnash kelishgan. O‘shanda qo‘qonlik futbolchilar raqiblarini 3:1 hisobida taslim etishni uddalashgan.
Superliganing 21-turidan so‘ng "Qo‘qon-1912" jamoasi 21 ochko bilan turnir jadvalining 13-pog‘onasida ketmoqda. "Xorazm"ning hisobida esa 19 ta ochko bor va ular turnir jadvalining 14-pog‘onasidan joy olishgan.
