Pirs Morgan \"Arsenal\"ni Xulian Alvares bo‘yicha qarori uchun tanqid qildi
Taniqli britaniyalik jurnalist va "Arsenal" muxlisi Pirs Morgan London klubining Xulian Alvares transferi bo‘yicha rejalarini keskin tanqid qildi.
Avvalroq OAVda "Arsenal" Madridning "Atletiko" klubi hujumchisi Xulian Alvaresni qo‘lga kiritish maqsadida Viktor Gyokereshni almashinuv bitimiga qo‘shishga tayyor ekani haqida xabarlar tarqalgandi.
Bu xabarga munosabat bildirgan Morgan ijtimoiy tarmoqlarda shunday yozdi:
"Bu mutlaqo bema'nilik. Gyokereshni endigina oldik, endi esa uni Alvaresga almashtirmoqchimizmi? Men Alvaresni juda yuqori baholayman, ammo bunday qaror mutlaqo mantiqsiz."
Shu bilan birga, hozircha "Arsenal", "Atletiko Madrid" yoki futbolchilar vakillari tomonidan ehtimoliy almashinuv bo‘yicha rasmiy tasdiq berilgani yo‘q. Tarqalayotgan ma'lumotlar OAVdagi transfer mish-mishlariga asoslanmoqda.
