Perishich Maradona natijasiga yaqinlashdi
Xorvatiya terma jamoasi yarim himoyachisi Ivan Perishich Jahon chempionatlaridagi ishtiroki bilan yana bir muhim ko‘rsatkichga yaqinlashdi.
Perishich Gana terma jamoasiga qarshi JCh-2026 guruh bosqichi 3-tur uchrashuvida asosiy tarkibda maydonga tushdi. Bu uning Xorvatiya milliy jamoasi safida Jahon chempionatlaridagi 20-o‘yini bo‘ldi. E’tiborlisi, futbolchi mundialdagi barcha 20 uchrashuvda ham o‘yinni asosiy tarkibda boshlagan.
Bu borada Perishich tarixiy natijaga yaqin turibdi. Jahon chempionatlarida barcha o‘yinlarni asosiy tarkibda boshlagan maydon futbolchilari orasida undan oldinda faqat uch nafar afsonaviy futbolchi bor:
Paolo Maldini — 23 ta o‘yin
Diego Maradona — 21 ta o‘yin
Uve Zeler — 21 ta o‘yin
Shu tariqa, Perishich Maradona va Zeler qayd etgan natijani takrorlashi uchun yana bitta uchrashuvda asosiy tarkibda maydonga tushishi kifoya.
