Pedro Porro “Barselona”ga o‘tishi mumkin
“Tottenhem” himoyachisi Pedro Porro jamoaning muvaffaqiyatsiz starti fonida klubni tark etishi mumkin. Football Insider ma’lumotiga ko‘ra, agar londonliklarning natijalari yaxshilanmasa, Ispaniya terma jamoasi futbolchisi faoliyatini boshqa jamoada davom ettirish variantlarini ko‘rib chiqadi.
Manbaga ko‘ra, 27 yoshli himoyachi “Barselona”dan taklif tushgan taqdirda Kataloniya klubiga o‘tishga tayyor bo‘lishi mumkin. Porro yozda “Tottenhem” bilan shartnomasini 2031-yilgacha uzaytirganiga qaramay, jamoaning hozirgi natijalari uning kelajagiga ta’sir qilishi mumkin.
“Tottenhem” 2026/27-yilgi mavsumni juda omadsiz boshladi. Roberto De Zerbi boshchiligidagi jamoa dastlabki turlardan so‘ng turnir jadvalining quyi qismida qolib ketdi va ketma-ket bir necha uchrashuvda g‘alaba qozona olmadi.
Ma’lumot uchun, Pedro Porroning “Tottenhem” bilan amaldagi shartnomasi 2031-yil yozigacha mo‘ljallangan. Transfermarkt portalida uning bozor qiymati 45 million yevro atrofida baholanmoqda.
