O‘zbekistonlik futbolchi Oston Urunov BAAga qarshi o‘yinda jarohat oldi — uzoq muddatga maydondan chetlatilishi mumkin
Rasm: upl.uz
O‘zbekiston terma jamoasi a’zosi Oston Urunov BAAga qarshi o‘yinda jarohat oldi. Raqibning qat’iy harakati tufayli u to‘qnashuvning 9-daqiqasida maydonni tark etdi.
O‘zbekistonlik shifokorlarning dastlabki xulosasiga ko‘ra, Urunov kamida 4 hafta, ehtimol 6 haftagacha maydonga chiqa olmaydi. Yaqin orada u Eronda joylashgan klubiga qaytadi va u yerda qo‘shimcha tibbiy tekshiruvlardan o‘tadi.
Ta’kidlash joizki, Oston Urunov so‘nggi vaqtlarda jarohatlarga tez-tez duch kelmoqda. Bu esa uning sport faoliyatida jiddiy to‘siqlardan biriga aylanmoqda.
Bakradze Iman
Redaktor