O‘zbekiston XXIX milliy chempionati — Oliy liga. 2-tur, 5-kungi uchrashuvlar anonsi
Soat 15:00 da Qarshining "Nasaf" jamoasi Toshkentning “Bunyodkor” klubiga qarshi maydonga chiqadi.
photo: UFF
Andijon shahridagi “Universal” sport majmuasi mezbonlik qilayotgan 2-tur bahslarida bugun beshinchi o‘yin kuni. Muxlislar uchta qiziqarli uchrashuvning shohidi bo‘lishadi.
Soat 15:00 da Qarshining "Nasaf" jamoasi Toshkentning “Bunyodkor” klubiga qarshi maydonga chiqadi. Soat 17:00 da bo‘ladigan "Oil Star" – SQB qarama qarshiligi ham muxlislar diqqat markazida turadi. Kunni esa soat 19:00 da "Dinamo" – “Maksam-Chirchiq” uchrashuvi yakunlab beradi.
Bugungi barcha uchrashuvlar “Futbol-TV” telekanali hamda O‘FFning You Tube kanali orqali to‘g‘ridan to‘g‘ri, jonli efirda namoyish etiladi.
Ibrohim Jalolov
Redaktor