O‘zbekiston va Rossiya futbol afsonalari o‘rtasida o‘yin o‘tkaziladi
14 avgust soat 19:00 da “Jar” stadionida 1979-yildagi aviakatastrofa qurbonlari xotirasiga bag‘ishlab afsonaviy futbolchilar o‘rtasida uchrashuv bo‘lib o‘tadi.
Ushbu uchrashuvda Birador Abdurahimov bosh murabbiyligidagi O‘zbekiston terma jamoasi Rossiya terma jamoasiga qarshi maydonga tushadi.
Mirjalol Qosimov, Azamat Abdurahimov, Baxtiyor Ashurmatov, Odil Ahmedov, Server Jeparov, Timur Kapadze, Ignatiy Nesterov, Ravshan Ermatov, Aleksandr Mirzoyan, Rinat Dasaev, Dmitriy Alyonichev, Valeriy Shmarov, Yegor Titov, Sergey Kiryakov kabi afsonalar ishtirok etadigan ushbu o‘yinga barcha futbol muxlislarini taklif etamiz. Kirish bepul.
Shuningdek, OAV vakillari uchun uchrashuv oldidan, soat 18:00 da matbuot anjumani ham o‘tkaziladi.
14 avgust | 18:00
“JAR” stadioni
“Barchangizni ushbu muhim tadbirda kutib qolamiz”, — deyiladi O‘FA xabarida.
